சங்கீதங்கள்* *வேத பாடம் 6* *தியானப் பகுதி: சங்கீதம் 3*
*உங்கள் சிந்தனைக்கு.*
*சங்கீதங்கள்*
*வேத பாடம் 6*
*தியானப் பகுதி: சங்கீதம் 3*
*வரலாற்றுப்* *பின்னணியுடன் தியானித்தல்**
*மொத்தம் 150 சங்கீதங்களில் சுமார் 116 சங்கீதங்களுக்கு தலைப்பு அல்லது* *பின்னோட்டம் கொடுக்கப்பட்டுள்ளது* . மீதமுள்ள சங்கீதங்களுக்கு இத்தகைய தலைப்புகள் இல்லை.
ஒவ்வொரு சங்கீதத்திற்கும் கொடுக்கப்பட்டுள்ள தலைப்பையும் பின்னோட்டத்தையும் நாம் கவனமாக ஆராய்ந்து, அதன் வரலாற்றுப் பின்னணியைத் தியானிக்கும்போது, அந்தச் சங்கீதத்தை இன்னும் சரியான முறையில் புரிந்துகொள்ள முடியும்.
*ஒவ்வொரு தலைப்பும் அல்லது பின்னோட்டமும் அந்தச் சங்கீதத்தைப் புரிந்துகொள்வதற்கான ஒரு முக்கியமான கருவியாகப் பயன்படுகிறது.*
மூன்றாவது சங்கீதத்தைப் பொறுத்தவரை, தாவீது எந்தச் சூழ்நிலையில் இந்தச் சங்கீதத்தை எழுதினார் என்பதை அதன் தலைப்பு நமக்குத் தெரிவிக்கிறது:
“தாவீது தன் குமாரனாகிய அப்சலோமுக்குத் தப்பி ஓடினபோது பாடின சங்கீதம்.”
இந்த வரலாற்றுப் பின்னணியை ஆராய்ந்து பார்க்கும்போது, சங்கீதம் 3-ஐ இன்னும் ஆழமாகப் புரிந்துகொள்ள முடியும்.
அப்சலோமின் சதி
தன்னுடைய தந்தையாகிய தாவீதுக்கு எதிராக அப்சலோம் பல ஆண்டுகளாக மக்களின் இருதயங்களைத் தன் பக்கம் திருப்பிக்கொண்டிருந்தான். எருசலேமின் வாசலில் நின்று, மக்கள் தங்கள் வழக்குகளைக் கொண்டு வந்தபோது அவர்களிடம் அன்பாகப் பேசி, “உனக்கு நியாயம் கிடைக்கச் செய்வேன்” என்ற முறையில் அவர்களுடைய ஆதரவைப் பெற்றான்.
பின்னர் எபிரோனுக்குச் சென்று, அங்கே தன்னை ராஜாவாக அறிவித்தான். அவனுக்குப் பின்னால் ஒரு பெருங்கூட்டம் சென்றது.
“இஸ்ரவேல் மனிதருடைய இருதயங்கள் அப்சலோமைப் பின்பற்றின.”
— 2 சாமுவேல் 15:13
அப்சலோமின் படை தன்னைத் தாக்குவதற்கு முன்பாகத் தப்பிச் செல்ல வேண்டும் என்பதை தாவீது உணர்ந்தார். எனவே, தன்னுடைய குடும்பத்தாருடனும் உண்மையுள்ள ஊழியக்காரர்களுடனும் எருசலேமைவிட்டு வெளியேறினார்.
அவர் கீதரோன் ஆற்றைக் கடந்து, ஒலிவமலையின் வழியாகச் சென்றார். அந்த நேரத்தில் தாவீது அழுதுகொண்டும், தலையை மூடிக்கொண்டும், காலணியில்லாமலும் சென்றதாக 2 சாமுவேல் 15:30 குறிப்பிடுகிறது.
*இதுதான் சங்கீதம் 3-ன் உணர்ச்சிப் பின்னணி.*
இந்த வரலாற்றுப் பின்னணியைப் புரிந்துகொண்டு நாம் இந்தச் சங்கீதத்தைத் தியானிக்க வேண்டும்.
“என் சத்துருக்கள் எவ்வளவாய்ப் பெருகியிருக்கிறார்கள்!”
*ஒரு காலத்தில் கோலியாத்தை ஒரே கவண்கல்லினால் வீழ்த்தியபோது, இஸ்ரவேல்* *ஜனங்கள் தாவீதைப் பார்த்துப் பெருமைப்படுத்தினர். ஆனால் இப்போது அதே தேசத்தில் பலர்* *அப்சலோமின் பக்கம் திரும்பிவிட்டனர்.*
*தன்னுடைய சொந்த மகனின் சதியினால், தன்னைச் சுற்றிலும்* *எதிரிகள் பெருகியிருப்பதைப் பார்த்த தாவீது* *இவ்வாறு கூறுகிறார்:*
“ *கர்த்தாவே, என் சத்துருக்கள் எவ்வளவாய்ப் my பெருகியிருக்கிறார்கள்! எனக்கு விரோதமாய் எழும்புகிறவர்கள் அநேகர்.”*
— சங்கீதம் 3:1
தன்னைச் சுற்றிலும் எதிரிகள் சூழ்ந்திருப்பதை தாவீது தெளிவாக உணர்ந்திருந்தான்.
அதுமட்டுமல்லாமல், தாவீதின் வாழ்க்கை முடிந்துவிட்டது என்றும், தேவன் இனி அவனை இரட்சிக்கமாட்டார் என்றும் அவனுடைய எதிரிகள் கருதினர்.
அதனால் தாவீது:
“தேவனிடத்தில் அவனுக்கு இரட்சிப்பு இல்லையென்று, என் ஆத்துமாவைக் குறித்துச் சொல்லுகிறவர்கள் அநேகராயிருக்கிறார்கள்.”
— சங்கீதம் 3:2
என்று எழுதுகிறார்.
ஆனால் இவ்வளவு எதிர்ப்புகளின் மத்தியிலும் தாவீது தன்னுடைய விசுவாசத்தைக் கைவிடவில்லை. கர்த்தர் மீது அசைக்க முடியாத நம்பிக்கை வைத்திருந்தான்.
அதனால்தான் அவன்:
“ஆயிரக்கணக்கான ஜனங்கள் எனக்கு விரோதமாகச் சுற்றிலும் முகாமிட்டிருந்தாலும் நான் பயப்படேன்.”
— சங்கீதம் 3:6
என்று கூறுகிறான்.
அவனுடைய நம்பிக்கையின் அடிப்படை என்ன?
“இரட்சிப்பு கர்த்தருடையது.”
— சங்கீதம் 3:8
இதைத்தான் தாவீது உறுதியாக நம்பினான்.
**இந்தச் சங்கீதத்தின் ஆன்மீகப்*பாடம்*
*இந்தச் சங்கீதத்தை வெறுமனே ஒரு தகப்பனுக்கும் மகனுக்கும் இடையே* *நடந்த குடும்பப் போராட்டமாக மட்டும்* *பார்க்கக்கூடாது. தாவீதின்* வாழ்க்கைக்கும், தேவன் அவனுக்கு அளித்த வாக்குத்தத்தங்களுக்கும் எதிராக ஏற்பட்ட இந்தப் போராட்டத்தில், தேவனுடைய திட்டத்திற்கு எதிராகச் செயல்படும் தீமையின் ஆற்றலையும் நாம் காண முடியும்.
*தேவன் தாவீதின் வம்சத்தின் மூலம் தம்முடைய இரட்சிப்புத்* *திட்டத்தை முன்னெடுத்துச் சென்றார். பின்னர்* சாலொமோன் தாவீதுக்குப் பின் ராஜாவாக ஆட்சி செய்தான். *ஆகவே, அப்சலோமின் கிளர்ச்சி* *தேவனுடைய திட்டத்தைத் தடுக்கக்கூடியதாகத் தோன்றினாலும், அது* *தேவனுடைய நோக்கத்தை முறியடிக்க முடியவில்லை* .
இதிலிருந்து நாம் ஒரு முக்கியமான ஆன்மீகப் பாடத்தைக் கற்றுக்கொள்ளலாம்.
*நம்முடைய வாழ்க்கையில் வருகின்ற எல்லாப் போராட்டங்களையும் வெறுமனே மனிதர்களால் ஏற்படும் பிரச்சினைகளாக மட்டும் பார்க்கக்கூடாது. சில சமயங்களில், தேவனுடைய பணிக்கும் அவருடைய நோக்கங்களுக்கும் எதிராகச் செயல்படும் ஆவிக்குரிய எதிர்ப்புகளும் இருக்கலாம்.*
*எனவே, நம்முடைய போராட்டங்களின் மத்தியில் மனிதர்களைப்* *பார்த்து பயப்படுவதற்குப் பதிலாக, தேவனை நோக்கிப் பார்க்க வேண்டும்.*
சாத்தானுடைய தந்திரங்களை அறிந்துகொள்வதும்* , அதே நேரத்தில் தேவனுடைய வல்லமையையும் அவருடைய திட்டத்தின் நிலைத்தன்மையையும் நம்புவதும் நம்முடைய விசுவாசத்தைப் பலப்படுத்தும்.
தாவீதைப் போல நாமும் உறுதியாகச் சொல்லக்கூடிய ஒரு உண்மை உண்டு:
“இரட்சிப்பு கர்த்தருடையது.”